2023-02-23
以機場廣告相作結，後面隻巨靈神又幾鬼馬。
返咗香港一日，中咗，咳囉，攰囉，發呆，仲有好多病徵不宜詳述，唔通不舉都話你知咩。
發呆好苦，回程十二個鐘機程瞓唔到，眼光光望住廁所，男男女女孭住名牌包包出出入入，明明有人用緊，門外漢卻不在門外看，三急之下，硬要用手指撩下門上啲掣，撞下棟門先心安。
去咗羅馬，去到嗰個咩羅馬廣場我嘩咗一聲，真係壯觀，雖然只係剩返斷柱爛石，但可見當日嘅輝煌，見到嗰啲石柱，咪就係星矢入面十二宮咁樣囉。
如果按衞生處指引，我今日可以返工，今個星期可以去攝影會聚餐。不過，唔好咁衰啦，唔好累人不舉啦。